ეროვნული ბანკის პრეზიდენტი გიორგი ქადაგიძე აცხადებს, რომ სავალუტო რეზერვების აუცილებელი დონე შენარჩუნებულია.
,,ეს არის 3 თვის იმპორტის გადაფარვის კოეფიციენტი. სებ-ის ერთ-ერთი მთავარი ფუნქციაა შეინარჩუნოს ადეკვატური სავალუტო რეზერვი, რომელიც არის გარანტი ჩვენი სტაბილურობის. ჩვენი მთელი ეს საქმიანობა და განვლილი პერიოდი ადასტურებს იმას, რომ ჩვენ განუხრელად კარგად ვასრულებთ ამ ამოცანას", - განაცხადა ქადაგიძემ.
საერთაშორისო სავალუტო ფონდის მისიის ბოლო განცხადებასთან დაკავშირებით ქადაგიძემ განაცხადა, რომ ფონდი, ისევე როგორც ყველა სხვა საერთაშორისო ორგანიზაცია, არაერთხელ აღნიშნავს, რომ ისინი ეროვნული ბანკის მიერ გატარებულ პოლიტიკას სრულად მხარს უჭერენ და ამაში ახალია არაფერია.
"ვინაიდან ჯერ არ დასრულებულა სავალუტო ფონდთან მიმდინარე მიმოხილვა და იგეგმება, რომ მომავალი წლის დასაწყისში დასრულდეს, ალბათ ზედმეტი კომენტარის გაკეთება არასწორია", - დასძინა გიორგი ქადაგიძემ.
