13 მაისს, 09:30 საათზე, სასტუმრო "თბილისი მარიოტში" გაიხსნება რეგიონული კონფერენცია კიბერდანაშაულის წინააღმდეგ ბრძოლის საკითხებზე.
რეგიონულ კონფერენციაში მონაწილეობას მიიღებენ საჯარო და კერძო სექტორის წარმომადგენლები საქართველოდან, სომხეთიდან, აზერბაიჯანიდან, უკრაინიდან, მოლდოვადან, პოლონეთიდან, ესტონეთიდან, ჰოლანდიიდან, ნორვეგიიდან, რუმინეთიდან, ესპანეთიდან და თურქეთიდან, უცხოელი და ქართველი ექსპერტები, ასევე არასამთავრობო ორგანიზაციების წარმომადგენლები, სულ 60 მონაწილე.
კონფერენციის მიზანია კიბერდანაშაულის წინააღმდეგ ბრძოლის სფეროში საუკეთესო პრაქტიკის გაზიარება და ანალიზი, აგრეთვე სახელმწიფოთაშორისი თანამშრომლობის გაძლიერება ამ მიმართულებით.
