ბრიტანელებმა ისლამისტთა პოზიციები კიდევ ერთხელ დაბომბეს. სამეფო საჰაერო ძალებმა იერიშები ისლამისტთა მიერ კონტროლირებად სანავთობო ობიექტებზე მიიტანეს. დაზუსტებული ინფორმაცია მსხვერპლის შესახებ ჯერჯერობით არ გავრცელებულა. სირიის საჰაერო ოპერაციებში ჩართვის გადაწყვეტილება ბრიტანეთის პარლამენტმა 2 დეკემბერს მიიღო. იმავე დღეს ბრიტანულმა ტორნადოებმა ისლამისტთა პოზიციები დაბომბეს.
