არანაკლებ 12 ადამიანი დაიღუპა ეგვიპტის დედაქალაქ კაიროში მდებარე რესტორანში აფეთქების შედეგად. ამის შესახებ ინფორმაციას ,,ბიბისი“ ავრცელებს.
სავარაუდო ინფორმაციით, თავდამსხმელებმა რესტორანში ე.წ. მოლოტოვის კოქტეილები შეაგდეს, რამაც ხანძარი გამოიწვია.
თვითმხილველებს განსხვავებული ვერსიები აქვთ - ზოგი მათგანი ამბობს რომ თავდამსხმელები სამნი იყვნენ, სხვები კი ერთ თავდამსხმელზე საუბრობენ.
სამართალდამცავებმა, რომლებიც ადგილზე მუშაობენ კორესპოდენტებს განუცხადეს, რომ დაღუპულთა უმეტესობა კვამლითაა გაგუდული.
უსაფრთხოების სამსახურის წარმომადგენლები არ გამორიცხავენ რომ თავდამსხმელი რესტორნის ყოფილი თანამშრომელია, რომელიც გასულ დღეებში გაათავისუფლეს სამსახურიდან.
