ერაყელი ქურთები ირწმუნებიან, რომ ნავთობით დატვირთული კოლონები, რომლის ფოტოებიც რუსეთის თავდაცვის სამინისტრომ გამოაქვეყნა, მათ ეკუთვნით და არა ისლამისტებს. საგანგებო განცხადება ერაყული ქურთისტანის საპარლამენტო კომიტეტის თავმჯდომარემ შერკო ჯავდათმა გააკეთა. მისივე მტკიცებით, თურქეთში ნავთობის ექსპორტი რეალურად ხორციელდება, მაგრამ არა ისლამური სახელმწიფოს, არამედ ქურთების მიერ კონტროლირებადი ტერიტორიიდან. თურქეთი ისლამისტებთან ნავთობით ვაჭრობაში რუსეთის თავდაცვის უწყებამ 2 დღის წინ დაადანაშაულა.
