ისრაელის მოქალაქეებზე თავდასხმები გრძელდება. ბოლო 24 საათის განმავლობაში ებრაელებზე თავდასხმის მცდელობისას ორი პალესტინელი დაიღუპა. იორდანეს დასავლეთ სანაპიროზე ახალგაზრდა პალესტინელი თავს ებრაელ სამხედროს დაესხა, რომელიც მანქანაში იჯდა და რამდენიმე ჭრილობა მიაყენა, იერუსალიმთან კი პალესტინელმა ცეცხლი ბლოკ-პოსტს გაუხსნა. ბოლო 2 თვის განმავლობაში პალესტინელთა თავდასხმებს ისრაელის 19 და ამერიკის ერთი მოქალაქე ემსხვერპლა.
