კალიფორნიის ქალაქ სან-ბერნარდინოში მომხდარ თავდასხმაში მხოლოდ 2 პირი ფიგურირებს. ამის შესახებ ადგილობრივი პოლიციის უფროსმა განაცხადა. ცნობილია თავდამსხმელთა ვინაობაც. ისინი 28 წლის სიედ ფარუკი და 27 წლის ტაშფინ მალიკი არიან. ორივე მათგანი პოლიციის მიერ იქნა ლიკვიდირებული. როგორც მათი ნათესავები აცხადებენ, ფარუკი და მალიკი ცოლ-ქმარნი იყვნენ. შეიარაღებული თავდამხმელები უნარშეზღუდულთა ცენტრში შეიჭრნენ და ცეცხლი გახსნეს, რასაც 14 ადამიანი ემსხვერპლა, 17 კი დაშავდა. ვრცელდებოდა ინფორმაცია, რომ თავდასხმაში მესამე პირიც იღებდა მონაწილეობას, რაც საბოლოოდ არ დადასტურდა.
