რუსული მხარის ბრალდებას თურქეთის პრეზიდენტმა კიდევ ერთხელ უპასუხა. რეჯეფ თაიფ ერდოგანმა მოსკოვის მიერ გავრცელებული ინფორმაცია იმის შესახებ, რომ თურქეთი ისლამისტთა მიერ კონტროლირებადი ტერიტორიიდან ნავთობს არალეგალური გზით იღებს, კატეგორიულად უარყო. მისი თქმით, მსგავსი ბრალდებებით თურქეთის შეურაცხყოფის უფლება არავის აქვს, რადგანაც თურქეთი თავისი ღირებულებების ერთგული რჩება და ტერორისტებთან ვაჭრობის უფლებას თავს არასდროს მისცემს. ერდოგანმა კიდევ ერთხელ დადო პირობა, რომ თუ რუსეთის მიერ წაყენებული ბრალდება ფაქტებით დადასტურდება, პოსტს დატოვებს.
