რუსეთი თურქეთის წინააღმდეგ სასურსათო ემბარგოს 1-ლი იანვრიდან აამოქმედებს. შესაბამის განკარგულებას ხელი პრემიერმა მედვედევმა მოაწერა. მთავრობის მეთაურის განკარგულებით, რუსეთში თურქული ხილ-ბოსტნეულის, მსხვილფეხა საქონლისა და ფრინველის, მარილისა და სხვა სახის სასურსათო პროდუქტების იმპორტი აიკრძალება. ექსპერტები ვარაუდობენ, რომ თურქული პროდუქციის იმპორტის შეჩერება რუსეთში ინფლაციის მაჩვენებელს მკვეთრად გაზრდის. დღეისათვის სურსათზე ფასები რუსეთში 17,3 პროცენტით არის გაზრდილი.
