რუსეთი არ აპირებს გამოაქვეყნოს მტკიცებულებები, რომელიც ამტკიცებს თურქეთსა და ,,ისლამურ სახელმწიფოს“ შორის კონტრაბანდული ნავთობით ვაჭრობას, - ამის შესახებ ,,ბიბისის“ ინფორმაციით, რუსეთის პრეზიდენტის პრეს მდივანმა დიმიტრი პესკოვმა განაცხადა.
,,მთავარია - ეს ამ ინფორმაციის ფლობა და მისი გამოყენება მუშაობაში, რომელიც მიმართულია არა რაიმეს მტკიცებისკენ, არამედ ტერორიზმთან ბრძოლისათვის. ეს ინფორმაცია გამოიყენება ტერორიზმთან ბრძოლისათვის“ - განაცხადა ვლადიმერ პუტინის პრესმდივანმა.
შეგახსენებთ, თურქეთის პრეზიდენტის რეჯეფ ტაიფ ერდოღანის განცხადებით, ის მზად არის პოსტი დატოვოს თუ დამტკიცდა, რომ თურქეთი ნავთობს "ისლამური სახელმწიფოს" მებრძოლებისგან ყიდულობს. "ბიბისის" ინფორმაციით, ამის შესახებ ერდოღანმა პარიზში, კლიმატურ ცვლილებების კონფერენციაზე ჟურნალისტებს რუსეთის პრეზიდენტის ბრალდებასთან დაკავშირებით განუცხადა.
"თუ ეს დამტკიცდა, მაშინ ჩვენი ეროვნული სიამაყე მოითხოვს, გადავდგე", - განაცხადა ერდოღანმა. ,
ვლადიმერ პუტინმა თურქეთის პრეზიდენტი ტერორისტებთან კონტრაბანდული ნავთობით ვაჭრობაში ღიად დაადანაშაულა. მისი თქმით, რუსულ მხარეს აქვს მტკიცებულები "ისლამური სახელმწიფოს" კონტროლირებადი ტერიტორიებიდან თურქეთში კონტრაბანდული ნავთობის მიწოდების შესახებ.
"ჩვენ ახლა დამატებითი მონაცემები მივიღეთ, რომელიც ადასტურებს, რომ სამწუხაროდ "ისლამური სახელმწიფოსა" და სხვა ტერორისტული ორგანიზაციების მიერ კონტროლირებადი ტერიტორიებიდან ნავთობის უზარმაზარი მოცულობა თურქეთს მიეწოდება", - განაცხადა პუტინმა პარიზში სტუმრობისას.
