პარიზი დღეს გაეროს კლიმატის ცვლილებების სამიტს მასპინძლობს. საფრანგეთის დედაქალაქში 150-მდე ქვეყნის ლიდერი ჩადის. უკვე პარიზშია ამერიკის პრეზიდენტი, რომელმაც ბატაკლანის საკონცერტო დარბაზიც მოინახულა. სამიტს დაეწრებიან რუსეთისა და თურქეთის პრეზიდენტებიც. პარიზში იმყოფება საქართველოს პრემიერი ირაკლი ღარიბაშვილი. ის კონფერენციაში მიიღებს მონაწილეობას და სიტყვითაც გამოვა. კონფერენცია თბილისის დროით 1 საათზე დაიწყება. სამიტზე, რომელსაც საფრანგეთის პრეზიდენტი, საგარეო საქმეთა მინისტრი, და გაეროს გენერალური მდივანი გახსნიან, უნდა შეთანხმდნენ, რომ მსოფლიოში ტემპერატურის მატება მაქსმიმუმ ორი გრადუსი იყოს. კონფერენცია გაძლიერებული უსაფრთხოების ფონზე გაიმართება. მობილიზებულია 6 ათასზე მეტი პოლიციელი და ჟანდარმი.
