თურქული პროდუქტების სანაცვლოდ ეგვიპტე რუსეთს საკუთარ პროდუქციას სთავაზობს. ამის შესახებ გამოცემა “სპუტნიკი” იტყობინება. გავრცელებული ინფორმაციით, ქაირომ იმ პროდუქტების სია უკვე მოამზადა, რომლის ექსპორტსაც რუსეთში განახორციელებს. საკითხი მხარეებმა საგანგებო შეხვედრაზე განიხილეს. ქაიროში ასევე იმედოვნებენ, რომ ეგვიპტეში მოგზაურობის მსურველთა რაოდენობა რუსეთში საგრძნობლად გაიზრდება.
