თურქული თვითმფრინავების მიერ რუსული სუ-24-ის ჩამოგდება იყო ერდოგანის პასუხი რუსეთის მიერ ასობით სატვირთო მანქანის დაბომბვაზე, რომლებითაც ისლამური სახელმწიფოს მიერ კონტროლირებადი ტერიტორიიდან თურქეთში ნავთობი გაედინებოდა. სკანდალური განცხადება სირიის ინფორმაციის მინისტრმა ომრან აზ-ზოუბიმ გააკეთა. „ნავთობის კონტრაბანდით დაკავებულნი იყვნენ კომპანიები, რომლებიც პრეზიდენტ ერდოგანის ვაჟის, ბილალ ერდოგანის მფლობელობაშია. როდესაც რუსეთმა 500 მეტი ნავთობით დატვირთული სატვირთო მანქანა გაანადგურა, თურქეთი ანერვიულდა. მათ სირიიდან არამხოლოდ ნავთობი, არამედ ხორბალი და ისტორიული ღირებულების ნივთებიც გააქვთ,“-აღნიშნა მინისტრმა.
