მასშტაბური სპეცოპერაცია აზერბაიჯანში. ნარდარანის დასახლებაში პოლიციამ ალყაში ტერორიზმსა და სახელმწიფო გადატრიალების მცდელობაში ეჭვმიტანილი რელიგიური დაჯგუფების წევრები მოიქცია. ეჭვმიტანილებმა სპეცრაზმელებს შეიარაღებული წინააღმდეგობა გაუწიეს. შეტაკებას 8 ადამიანი ემსხვერპლა. დაღუპულთაგან 2 პოლიციელია. სამართალდამცავებმა სახელმწიფო გადატრიალების მცდელობის ბრალდებით 14 პირი დააპატიმრეს. როგორც წინასწარი ძიებით ირკვევა, მუსლიმანური ერთობის მოძრაობას აზერბაიჯანის ტერიტორიაზე შარიათის სახელმწიფოს შექმნა ჰქონდა დაგეგმილი, რისთვისაც აქტიურ პროპაგანდისტულ საქმიანობას ეწეოდა.
