ანკარა არ აპირებს ბოდიში მოიხადოს სუ-24-თან დაკავშირებულ ინციდენტზე, - ამის შესახებ CNN ავრცელებს.
,,ვფიქრობ, რომ თუ რომელიმე მხარეს ბოდიში აქვს მოსახდელი, ეს ჩვენ არ ვართ. ბოდიში მათ უნდა მოიხადონ, ვინც ჩვენი საჰაერო სივრცე დაარღვია. ჩვენი პილოტები ასრულებდნენ მოვალეობას, რათა გაეცათ პასუხი ამ დარღვევაზე“ - განაცხადა რეჯეფ თაიფ ერდოღანმა.
შეგახსენებთ, რუსეთის პრეზიდენტმა კრემლში, სხვადასხვა ქვეყნის ელჩებთან შეხვედრისას განაცხადა, რომ მას რჩება შთაბეჭდილება, თითქოს თურქეთს რუსეთთან ურთიერთობა განზრახ შეჰყავს ჩიხში.
„ამ დრომდე არ გვესმის არც აშკარა ბოდიში თურქეთის უმაღლესი სამხედრო პოლიტიკური დონიდან, არც წინადადება ზარალის ანაზღაურებასთან დაკავშირებით,“ - აღნიშნა ვლადიმერ პუტინმა.
