პარიზთან ახლოს, ქალაქ მონრუჟში პოლიციამ შაჰიდის ქამარი აღმოაჩინა. ერთ-ერთი ვერსიით, ასაფეთქებელი მოწყობილობა შესაძლოა სალაჰ აბდესალმს ეკუთვნოდეს, რომელზეც საერთაშორისო ძებნაა გამოცხადებული. ბომბს დეტონატორი მოხსნილი აქვს. ეკეთა თუ არა ტერაქტების დღეს აბდესალმს შაჰიდის ქამარი და აპირებდა თუ არა ის თავის აფეთქებას, ოფიციალურად ეს ინფორმაცია არ დასტურდება, თუმცა ყველაზე სარწმუნო ვერსიით, ტერორისტი, თავისი თანამებრძოლების მსგავსად, თავის აფეტქებას აპირებდა, მაგრამ ბოლო მომენტში გადაიფიქრა.
