ელექტრომექანიკოსთა ბრიგადები ხერსონის ოლქში დაზიანებული მაღალი ძაბვის სადენების შესაკეთებლად მზად არიან, თუმცა ყირიმის ბლოკადის მომხრე აქტივისტები მათ სამუშაოს დაწყების საშუალებას არ აძლევენ. ამის შესახებ „უკრენერგოს“ გენერალური დირექტორის მოადგილემ იური კასიჩმა განაცხადა. მისივე თქმით, მომიტინგეებსა და პოლიციას შორის დაპირისპირებაც მოხდა. როგორც აქციის ორგანიზატორები აცხადებენ, ისინი რუსეთის მიერ ანექსირებული ნახევარკუნძულისთვის ელექტროენერგიის მიწოდების განახლებას არ დაუშვებენ. დენი ყირიმს უკვე 2 დღეა, არ მიეწოდება.
