სირიაში რუსეთის ავიადარტყმებს 400-ზე მეტი მშვიდობიანი მცხოვრები ემსხვერპლა. საგანგაშო სტატისტიკას გამოცემა “ინდეპენდენტი” აქვეყნებს. ამავე ინფორმაციით, დაღუპულთა შორის 97 ბავშვია. რუსეთმა სირიაში საჰაერო ოპერაცია სექტემბრის ბოლოს დაიწყო. დასავლეთი მოსკოვს არაკოორდინირებულ ქმედებებსა და ოპოზიციის პოზიციების დაბომბვაში ადანაშაულებს, რასაც კრემლი კატეგორიულად უარყოფს და აცხადებს, რომ მის სამიზნეს მხოლოდ “ისლამური სახელმწიფო” წარმოადგენს.
