პარიზის პოლიცია კიდევ ერთი ტერორისტის ფოტოს აქვეყნებს, რომელმაც 13 ნოემბერს თავი აიფეთქა. მის ცხედართან სამართალდამცავებმა ადლიბ მუჰამედ ალ ახმადის სახელზე გაცემული პასპორტი იპოვნეს, თუმცა პოლიცია ეჭვობს, რომ საბუთები გაყალბებულია. სამართალდამცავები ნებისმიერ პირს, ვინც ალ აჰმადის შესახებ რაიმე სახის ინფორმაციას ფლობს, თანამშრომლობისკენ მოუწოდებს. ტერორისტული აქტები პარიზში 13 ნოემბერს განხორციელდა, რასაც 129 ადამიანი ემსხვერპლა.
