შეერთებული შტატები "ისლამურ სახელმწიფოსთან" ბრძოლის ტაქტიკას ცვლის. ამის შესახებ ამერიკის თავდაცვის მინისტრმა განაცხადა. ეშტონ კარტერის თქმით, ამჯერად ტერორისტთა სანავთობო ინფრასტრუქტურის განადგურება დაიწყება. მისი განმარტებით, შეერთებული შტატები თავს არიდებდა სანავთობო ობიექტებზე დარტყმებს იმის გამო, რომ ინფრასტრუქტურაში მშვიდობიანი მოსახლეობა იყო დასაქმებული. პარიზის ტერაქტების შემდეგ კი ვაშინგტონმა სტრატეგია შეცვალა, რადგანაც ნავთობის გაყიდვით მოგებას ტერორისტები იღებენ.
