ბელგიის ეროვნული საფეხბურთო ნაკრების ნახევარმცველი რაჯა ნაიგოლანი უსიამოვნო ინციდენტში მოხვდა. ანტვერპენის ერთ-ერთ სასტუმროში ის ტერორისტი ეგონათ. 27 წლის ნაიგოლანმა ესპანეთი-ბელგიის ამხანაგური შეხვედრის გადადებით ისარგებლა და მშობლიური ანტვერპენის ერთ-ერთ სასტუმროში დაბინავდა, სადაც ოჯახის წევრებთან შეხვედრა სურდა. ფეხბურთელის გარეგნობამ სასტუმროს დაცვის ყურადღება მიიქცია. მათ პოლიციაში დარეკეს. სასტუმროში მისულმა სამართალდამცავებმა კი ფეხბურთელი მაშინვე იცნეს.
