საფრანგეთმა გაეროს რეზოლუციის ახალი პროექტი წარუდგინა, რომელიც “ისლამური სახელმწიფოს” წინააღმდეგ ბრძოლის გააქტიურებას ითვალისწინებს. როგორც ელისეის სასახლეში განმარტავენ, ეს პრეზიდენტ ოლანდის სტრატეგიის ნაწილია, რაც ტერორიზმის საფრთხის წინააღმდეგ მოქმედებების კოორდინირებას ისახავს მიზნად. ცნობილი ხდება ისიც, რომ პარიზის ტერაქტების შემდეგ საფრანგეთი სირიასა და ერაყში ისლამისტთა წინააღმდეგ ოპერაციებს გაააქტიურებს. მომავალ კვირას ოლანდი მოლაპარაკებებს ამერიკისა და რუსეთის ლიდერებთან გამართავს.
