პარიზის ტერაქტების ერთ-ერთი მონაწილე კვლავ თავისუფალია. სალაჰ აბდესლამის ადგილ-სამყოფელის დადგენა პოლიციამ ამ დრომდე ვერ შეძლო. მან სავარაუდოდ ქვეყნიდან გაქცევა შეძლო, რაც ჯერჯერობით ოფიციალურად არ დასტურდება. სამართალდამცავები პარიზსა და მის შემოგარენში ლოკალურ რეიდებს განაგრძობენ. მათ თვითმკვლელი ტერორისტი ქალის, ჰასნა აითბულაჰენის დედა და ძმა დააპატიმრეს. ამჟამად ისინი დაკითხვაზე ჰყავთ. რაც შეეხება 13 ნოემბრის მთავარ ორგანიზატორს, აბდელჰამიდ აბაუდს, სენ-დენის სპეცოპერაციისას მისი ლიკვიდაციის ფაქტი საბოლოოდ დადასტურდა.
