რუსეთის ფედერაციის მთავრობის თავმჯდომარე დიმიტრი მედვედევი არ გამორიცხავს, რომ რუსეთმა ეგვიპტის გარდა სხვა ქვეყნებშიც შეწყვიტოს ფრენები.
„არ შემიძლია გამოვრიცხო, რომ გარკვეულ ვითარებაში ჩვენ იძულებულნი გავხდებით განვიხილოთ ასეთი საკითხები სხვა მიმართულებებზეც, სხვა ქვეყნებთან მიმართებაშიც, მაგრამ ჯერ-ჯერობით ეს არ გაკეთებულა და იმედს ვიტოვებ, რომ ამის გაკეთება არ მოგვიწევს“, - განაცხადა რუსეთის პრემიერ-მინისტრმა.
მან აღნიშნა, რომ აუცილებელია უსაფრთხოების საკითხების დაცვა და ვიდრე საფრთხეებთან დაკავშირებით სარწმუნო ინფორმაციები არ არსებობს, სხვა სახელმწიფოებში ფრენები არ უნდა შეწყდეს.
მედვედევმა ასევე აღნიშნა რომ ეგვიპტეში მომხდარი კატასტროფის გათვალისწინებით რუსეთის საჰაერო გადაზიდვებს კარგი პერიოდი არ უდგას.
