აშშ-ის პრეზიდენტი ბარაკ ობამა რუსეთს სირიის გადარჩენისკენ მოუწოდა. მისი განცხადებით, რუსეთი და ირანი არჩევანის წინაშე დგანან - მხარი დაუჭირონ ბაშარ ალ-ასადს ან დაეხმარონ სირიას მიიღოს ახალი ლეგიტიმური ხელისუფლება.
ობამამ კიდევ ერთხელ განაცხადა, რომ სირიაში სამოქალაქო ომი ვერ შეწყდება მანამ, სანამ ასადი არ გადადგება და იმედი გამოთქვა, რომ ქვეყანაში სამშვიდობო პროცესი წარმატებით დასრულდება.
შეგახსენებთ, ბაშარ ალ-ასადმა განაცხადა, რომ სირიაში პოლიტიკური გზით ხელისუფლების გადაცემა გამორიცხულია მანამ, სანამ “ისლამური სახელმწიფო” არ დამარცხდება. “შეუძლებელია პოლიტიკური პროცესების დაჩქარება ქვეყანაში, რომლის მნიშვნელოვან ნაწილსაც ტერორისტები აკონტროლებენ. იმისათვის, რომ დიალოგი დაიწყოს, ტერორიზმი უნდა დავამარცხოთ. ამის შემდეგ პოლიტიკური ცვლილებებისთვის მინიმუმ 2 წელი იქნება საჭორო,”-აღნიშნა ასადმა.
