საფრანგეთში ტერორისტების მიერ ქიმიური და ბიოლოგიური იარაღის გამოყენებას არ გამორიცხავენ. საფრანგეთის პრემიერ-მინისტრმა მანუელ ვალსმა ამის შესახებ პარლამენტის ქვედა პალატის სხდომაზე სიტყვით გამოსვლისას განაცხადა.
"ვიცით, რომ ქიმიური ან ბიოლოგიური იარაღის შესაძლო გამოყენების რისკი არსებობს", - აღნიშნა ვალსმა.
პარლამენტის ქვედა პალატის სხდომაზე საფრანგეთში საგანგებო მდგომარეობის შესახებ რეჟიმის სამი თვით გახანგრძლივების შესახებ კენჭისყრა გაიმართება.
