რუსეთის პრეზიდენტმა სირიაში სამხედრო ოპერაციის გააქტიურება მოითხოვა. მისი თქმით, დამნაშავეები უნდა მიხვდნენ, რომ შურისძიება გარდაუვალია.
"სირიაში ჩვენი ავიაციის საბრძოლო მუშაობა არამხოლოდ უნდა გაგრძელდეს, არამედ ისე უნდა გააქტიურდეს, რათა დამნაშავეები მიხვდნენ - შურისძიება გარდაუვალია", - განაცხადა ვლადიმერ პუტინმა და რუსეთის თავდაცვის სამინისტროს მიმართა, სირიაში სამხედრო ოპერაციის გააქტიურების საკითხზე, შესაბამისი წინადადებები წარადგინონ.
როგორც დღეს, რუსეთის უშიშროების ფედერალური სამსახურის უფროსმა ალექსანდრ ბორტნიკოვმა განაცხადა, ეგვიპტეში, სინაის ნახევარკუნძულზე რუსული სამგზავრო თვითმფრინავის კატასტროფის მიზეზი ტერორისტული აქტი გახდა. რუსეთმა ლაინერ A321-ზე განხორციელებულ ტერაქტში მონაწილე ტერორისტის შესახებ ინფორმაციაზე, ჯილდო - 50 მილიონი აშშ დოლარი დააწესა.
