ტერორისტული ორგანიზაცია „ისლამური სახელმწიფო“ ვაშინგტონზე თავდასხმით იმუქრება. ორგანიზაციამ გაავრცელა ორი ვიდეორგოლი, რომელშიც მხარდაჭერილია პარიზში განხორციელებული ტერორისტული აქტები.
ბი-ბი-სის ექსპერტების ინფორმაციით, ვიდეორგოლები დამზადებულია ერაყში. ვიდეო შეიცავს ნაწყვეტებს „ისლამური სახელმწიფოს“ ერთ-ერთი ლიდერის, აბუ-მუჰამედ ალ-ანდნანის 2014 წლის სექტემბრის მიმართვიდან, რომელშიც მან მხარდამჭერებს მოუწოდა განახორციელეონ ცალკეული იერიშები კოალიციის იმ წევრ ქვეყნებში, რომლებიც სირიასა და ერაყზე ავიადარტყმებს ახორციელებენ.
ახალ ვიდეორგოლებში ჯიჰადის მიმდევრები პირობას დებენ, რომ პარიზის ბედი ელის ვაშინგტონსაც. პარიზზე განხორციელებული იერიშის მიზეზად კი ისინი საფრანგეთის მიერ მუსულმანების წინააღმდეგ ბრძოლას ასახელებენ.
