ბელგიაში დაკავებულ ორ პირს, რომლებიც პარიზის ტერაქტებში არიან ეჭვმიტანილები, ბრალდება უკვე წაუყენეს. ამის შესახებ ბელგიის პროკურატურა იტყობინება. დაკავებულთა ვინაობა და მათი მოქალაქეობა ჯერჯერობით არ სახელდება. პოლიციამ ტერორიზმში ეჭვმიტანილი 7 პირი დააკავა, რომელთაგანაც 5 გაათავისუფლეს. ბრალდება არ წაუყენებიათ ერთ-ერთი ტერორისტის, მოჰამედ აბდესალამის ძმისთვისაც. კიდევ ერთი რეიდი პოლიციამ ბრისუსელში, მოლენბეკის რაიონში ჩაატარა, თუმცა სპეცოპერაცია დაკავებების გარეშე დასრულდა.
