დედაქალაქის საკრებულოში თბილისის 2016 წლის ბიუჯეტის განხილვა იწყება. მომავალი წლის ბიუჯეტს ფრაქციებსა და კომისიებზე განიხილავენ,სადაც საკრებულოს წევრებს საშუალება ექნებათ ბიუჯეტთან მიმართებაში თავიანთი შენიშვნები დააფიქსირონ. ამის შემდეგ დედაქალაქის ბუჯეტი შენიშვნებთან ერთად მერიას დაუბრუნდება. თბილისის 2016 წლის ბიუჯეტის კორექტირებული ვარიანტი მერიამ 10 დეკემბრამდე უნდა წარადგინოს. მერიამ საკრებულოს პროგრამული ბიუჯეტი წარუდგინა, რაც იმას ნიშნავს, რომ ბიუეჯტის პროექტი ვებ-გვერდზე აიტვირთება და ნებისმიერ მოქალაქეს ექნება შესაძლებლობა გაეცნოს ბიუჯეტის ხარჯვით ნაწილს. ჯაბა სამუშიას განცხადებით, მიმდინარე წლის ბიუჯეტთან შედარებით მომავალი წლის ბიუჯეტი რამდენიმე ათეული მილიონითაა გაზრდილი და მისი ძირითადი მიმართულებები კეთილმოწყობითი ღონისძიებები, ასევე, სოციალური და ჯანდაცვის საკითხებია. დედაქალაქის ბიუჯტი მომავალ წელს 810 მილიონი იქნება.
