უკრაინაში რუს სამხედრო მოსამსახურეებს ასამართლებენ. საქმის არსებითი განხილვა დღეს დაიწყო. პროცესზე ევგენი ეროფეევმა და ალექსანდრ ალექსანდროვმა განაცხადეს, რომ თავს დამნაშავედ არ ცნობენ. სასამართლომ დაცვის მხარის მოთხოვნა, განსასჯელებისთვის სამხედრო ტყვეების სტატუსი მიეცათ, არ დააკმაყოფილა. ეროფეევი და ალექსანდროვი უკრაინელებმა 16 მაისს ლუგანსკში დააკავეს. მათ ბრალად საზღვრის უკანონო გადაკვეთა, ტერორისტული საქმიანობა, უკრაინის წინააღმდეგ აგრესიული ომის წარმოება და იარაღის უკანონო ტარება ედებათ.
