ეგვიპტე რუსული თვითმფრინავის კატასტროფის გამოძიებას დამოუკიდებლად იწყებს. ამის შესახებ ტელეკომპანია ბი-ბი-სი იტყობინება. ავიალაინერი შარმ-ეშ-შეიხში 31 ოქტომბერს ჩამოვარდა, რასაც 224 ადამიანი ემსხვერპლა. კატასტროფის მთავარ ვერსიად ტერაქტი სახელდება. ამერიკული სპეცსამსახურების ვარაუდით, ბომბი თვითმფრინავში შესაძლოა აეროპორტის თანამშრომელს შეეტანა. ტერაქტის ვერსიას სარწმუნოდ მიიჩნევენ ბრიტანეთისა და ისრაელის სპეცსამსახურებიც. მომხდარის გამო ეგვიპტის მიმართულებით ფრენა რამდენიმე ქვეყანამ, მათ შორის, რუსეთმაც შეაჩერა.
