ნემცოვის მკვლელობის საქმის გამოძიება ახალ მიმართულებას იღებს. გამოძიებამ მკვლელობის ორგანიზატორად ბატალიონ „სევერის“ ყოფილი მებრძოლი რუსლან მუხუდინოვი დაასახელა. მას ბრალდება დაუსწრებლად წაუყენეს. მუხუდინოვი რუსლან გერემეევის მძღოლი და თანამებრძოლი იყო, რომელიც, თავის მხრივ, ჩეჩნეთის ლიდერის, რამზან კადიროვის უახლოესი გარემოცვის წევრია. ოპოზიციის ერთ-ერთი ლიდერი ბორის ნემცოვი მოსკოვში 28 თებერვალს მოკლეს.
