რუსეთი გაერთიანებული სამეფოსთვის ერთ-ერთ მთავარ საფრთხეს წარმოადგენს. ამის შესახებ გაზეთი “თაიმსი” ბრიტანეთის მთავრობის წყაროზე დაყრდნობით იტყობინება. გავრცელებული ინფორმაციით, უსაფრთხოების სტრატეგიის დოკუმენტში, რომელსაც პრემიერი ქემერონი პარლამენტს 23 ნოემბერს წარუდგენს, ქვეყნისთვის მთავარ საფრთხეებად ებოლის ვირუსი, მიგრანტთა კრიზისი და რუსეთია დასახელებული. ამის მიზეზად კი უკრაინის წინაარმდეგ რუსეთის აგრესია, კალინინგრადში სამხედრო პოტენციალის გაზრდა და სირიის ომში რუსეთის ჩართვა სახელდება.
