კიევში გენერალურ პროკურორზე თავდასხმა სცადეს. ამის შესახებ უკრაინის უშიშროების სამსახურის პრეს-მდივანმა ელენა გიტლიანსკაიამ განაცხადა. მისივე თქმით, ვიქტორ შოკინის კაბინეტი უცნობმა პირებმა დაცხრილეს. ინციდენტისას გენერალური პროკურორი უწყების ხელმძღვანელ პირებთან თათბირს ატარებდა. თავდასხმის შედეგად არავინ დაშავებულა. სხვა დეტალები ჯერჯერობით უცნობია.
