ლონდონის ჩელსის ყოფილი ექიმი ევა კარნეირო კლუბის მწვრთნელ ჟოზე მოურინიოს სასამართლოში უჩივის. იმ შემთხვევაში, თუ მხარეები სიტყვიერ შეთანხმებას ვერ შეძლებენ, ლონდონელთა თავკაცს სასამართლოში მისვლა მოუწევს. ამის მიზეზი კი 11 აგვისტოს მომხდარი ინციდენტი გახდა. დაშავებული ფეხბურთელი ედენ აზარი ექიმმა დახმარების აღმოსაჩენად მოედნიდან გაიყვანა, რის გამოც მოურინიომ მას სიტყვიერი შეურაცხყოფა მიაყენა. ამის გამო კარნეირომ გუნდი საკუთარი ნებით დატოვა.
