რუსეთი სირიაში საჰაერო იერიშებს განაგრძობს. გვიან ღამით რუსულმა ავიაგამანადგურებლებმა ისტორიულ ქალაქ პალმირას მიმდებარე რაიონები დაბომბეს. წერტილოვანი დარტყმები ტადმორის დასახლებაზე განხორციელდა, რის შედეგადაც ისლამისტთა საფორტიფიკაციო ნაგებობები, მიწისქვეშა ბლინდაჟები და საზენიტო არტილერია განადგურდა. დაზუსტებული ინფორმაცია მსხვერპლის შესახებ ჯერჯერობით არ გავრცელებულა.
