ფრანგულ მისტრალებს რუსული აპარატურა და სამართავი პულტი მოხსნეს. ამის შესახებ სააგენტო „ტასი“ იტყობინება. გავრცელებული ინფორმაციით, დემონტირებულ აპარატურას რუსეთს დაუბრუნებენ. მისტრალის ტიპის სამხედრო გემები საფრანგეთს რუსეთისთვის გასული წლის ნოემბერში უნდა გადაეცა, თუმცა გარიგება უკრაინაში განვითარებული მოვლენების გამო ჩაიშალა. არ არის გამორიცხული, რუსეთმა დაბრუნებული აპარატურა ეგვიპტეს მიჰყიდოს, რომელმაც რუსეთისთვის განკუთვნილი გემები შეიძინა.
