თურქეთის საპარლამენტო არჩევნებში მმართველი პარტია ლიდერობს . ქვეყნის პრემიერ-მინისტრმა მხარდამჭერებს გამარჯვება უკვე მიულოცა. ახმეტ დავიდოღლუმ მათ სიტყვით მიტინგზე მიმართა. ბოლო 5 თვის განმავლობაში საპარლამენტო არჩევნები თურქეთში უკვე მეორედ გაიმართა. წინა არჩევნების შედეგებით, თურქეთის სამართლიანობისა და განვითარების პარტიამ უმრავლესობის მოპოვება ვერ შეძლო, პირველი ნოემბრის არჩევნების შედეგებით კი ერდოგანის პარტია მომავალ საკანონმდებლო ორგანოში უმრავლესობის შექმნას და მთავრობის ფორმირებას შეძლებს.
