ოფიციალური კიევი ეგვიპტეში დატრიალებული ტრაგედიის გამო მწუხარებას გამოთქვამს. საგანგებო განცხადება უკრაინის პრემიერ-მინისტრმა გააკეთა. „ადამიანის სიცოცხლე შეუფასებელია. გულწრფელად ვუსამძიმრებ იმ 224 ადამიანის ოჯახის წევრებსა და ახლობლებს, რომლებიც ავიაკატასტროფისას დაიღუპნენ. სამწუხაროდ, მათ შორის უკრაინის მოქალაქეებიც არიან. მე უკვე მივეცი განკარგულება საგარეო საქმეთა სამინისტროს, მათ ოჯახებს ყველანაირი დახმარება გაუწიონ,“-აღნიშნა იაცენიუკმა.
