ეგვიპტეში რუსეთის სამგზავრო თვითმფრინავმა კატასტროფა განიცადა. თვითმფრინავი A321, რომელიც ასრულებდა რეისს 9268 შარმ-ელ-შეიხიდან სანკტ-პეტერბურგის მიმართულებით, ადგილობრივი დროით 6:51 საათზე აფრინდა.
თვითმფრინავთან, რომლის ბორტზე 224 ადამიანი, მათ შორის 217 მგზავრი და ეკიპაჟის 7 წევრი იმყოფებოდა, კავშირი აფრენიდან 23 წუთში გაწყდა.
ვრცელდება ინფორმაცია, რომ ამ დროისთვის კატასტროფის ადგილას ნაპოვნია ასზე მეტი ცხედარი. მათ შორის ხუთი ბავშვის. დაღუპულთაგან უმეტესი ნაწილი სავარძელზეა სპეცღვედებით მიბმული.
წინასწარი მონაცემებით, თვითმფინავი ორ ნაწილად გაიხლიჩა.
შგახსენებთ, რომ კატასტრობიდან მცირე დროში ეგვიპტის სამხედრო საჰაერო ძალებმა, დაადგინეს რუსეთის თვითმფრინავის ჩამოვარდნის ადგილი, სინას ნახევარკუნძულზე, - იტყობინება ეგვიტპის ხელისუფლება.
თვითმრინავი ჩამოვარდნილია მთიან რაიონში ქალაქ ელ-არიშიდან სამხრეთში.
ადგილზე იმყოფება სამაშველო და სამედიცინო სამსახურები. ეგვიპტის ხელისუფლება იტყობინება, რომ სავარაუდოდ, მგზავრების უმეტესობა დაღუპულია.
მათივე ინფორმაციით, არ არსებობს მტკიცებულება რომ თვითმფრინავი შესაძლოა, ჩამოგდებული იყოს.
