ანკარა ყველაფერს გააკეთებს იმისთვის, რომ სირიელმა ქურთებმა თურქეთის საზღვართან ავტონომია არ შექმნან. ამის შესახებ თურქეთის პრეზიდენტმა რეჯეფ თაიფ ერდოგანმა განაცხადა. მანვე ქურთები ეთნიკურ წმენდაში დაადანაშაულა, დასავლეთს კი ქურთების ხელშეწყობით ტერორიზმის მხარდაჭერაში დასდო ბრალი. ოფიციალური ანკარა მას შემდეგ შეშფოთდა, რაც სირიელი ქურთების მიერ შექმნილმა “დემოკრატიულმა კავშირმა” ღიად განაცხადა, რომ თელ-აბიადის ავტონომიის შექმნისთვის იწყებს ბრძოლას.
