მონტენეგროს ხელისუფლება რუსეთს საპროტესტო აქციების მხარდაჭერაში ადანაშაულებს. საგანგებო განცხადება პრემიერ-მინისტრმა მილო ჯუკანოვიჩმა გააკეთა, მოგვიანებით კი ოფიციალური განცხადება მონტენეგროს საგარეო საქმეთა სამინისტრომ გაავრცელა. „როდესაც რუსეთის საგარეო უწყება აცხადებს, რომ მონტენეგროში მშვიდობიანი აქცია იქნა დარბეული, ავიწყდება, რომ „მშვიდობიანმა დემონსტრანტებმა“ პოლიციას ქვები და მოლოტოვის კოქტეილები დაუშინეს, პარლამენტის შტურმით აღებას და სახელმწიფო გადატრიალების მოწყობას შეეცადნენ. ამაში მათ სწორედ რუსეთი უჭერდა მხარს,“-ნათქვამია განცხადებაში.
