5 თვის უმარალი ნაზაროვის დაღუპვის ფაქტმა ტაჯიკეთში ფართო რეზონანსი ჰპოვა. შრომითი მიგრანტების შვილი მას შემდეგ დაიღუპა, რაც პოლიციამ ჩვილი მშობლებს წაართვა. სოციალურ ქსელებში მასშტაბური ანტირუსული კამპანია დაიწყო. ბლოგერები მოსახლეობას დუშანბეში უპრეცედენტო აქციის ჩატარებისკენ მოუწოდებენ. მათი თქმით, რუსეთმა ჩვილის „მკვლელობისთვის“ პასუხი უნდა აგოს. ტაჯიკი მიგრანტი, 21 წლის ზარინა იუნუსოვა სანკტ-პეტერბურგში 14 ოქტომბერს დააკავეს და ჩვილი ჩამოართვეს. ამის შემდეგ ბავშვი გაურკვეველ გარემოებაში გარდაიცვალა.
