ქ. ოტავას უნივერსიტეტის საკონცერტო დარბაზში, კანადაში საქართველოს საელჩოს ინიციატივითა და ორგანიზებით, გაიმართა აშშ-ში მოღვაწე გამოჩენილი ქართველი პიანისტის ედიშერ სავიცკის კონცერტი. კონცერტის პარალელურად, მიმდინარეობდა ფოტო-გამოფენა „ქართული ანბანის სამი სახეობა“, რომელზეც წარმოდგენილი იყო უძველესი ქართული დამწერლობის უნიკალური ნიმუშები და ქართული ანბანის მრავალსაუკუნოვანი ისტორია.
საელჩოს მეირ ორგანიზებულ ღონისძიებას დაესწრნენ კანადის საგარეო უწყების, დიპლომატიური კორპუსის, ანალიტიკური და სამეცნიერო წრეების, ხელოვნების სფეროს, ქართული სათვისტომოსა და პრესის წარმომადგენლები.
ქართული ხელოვნებისა და კულტურის ღრმა ტრადიციების გაცნობის გარდა, სტუმრებს შესაძლებლობა მიეცათ დაეგემოვნებინათ ქართული ღვინო და მინერალური სასმელები.
