სუპერტაიფუნმა „კოპუ“ ფილიპინების ნაპირებს მიაღწია. ტალღების სიმაღლე 4 მეტრს აღწევს. სანაპირო ზოლში ქარმა, რომლის სიჩქარე 185/კმ/სთ-ია, რამდენიმე სახლი დაანგრია. ამ დროისთვის მსხვერპლის შესახებ ინმფორმაცია არ ვრცელდება.
სინოპტიკოსები შედარებას აკეთებენ 2013 წლის ტაიფუნ „ჰაიანთან“, რომელმაც 6 ათასი ადამიანი იმსხვერპლა.
„კოპუ“ („საკმარისია“) ქვეყნის სანაპიროს პროვინცია აურორასთან დაატყდა თავს. ქარის სიჩქარე გუშინ 300 კმ/სთ-ს აღწევდა. სინოპტიკოსები აცხადებენ, რომ ტაიფუნი ნელა გადაადგილდება, რაც იმის მაუწყებელია, რომ მას შესაძლოა, რამდენიმე დღიანი წვიმები მოჰყვეს, რაც წყალდიდობებს და მეწყერს გამოიწვევს.
ამერიკელმა მეტეოროლოგება ტაიფუნს მაქსიმალური ხუთიდან, მეოთხე კატეგორია მიანიჭეს.
ქვეყნის პრეზიდენტმა ბენიგნო აკინომ მოსახლეობას მიმართა და სიფრთხლისკენ მოუწოდა.
