ბრაზილიის პრეზიდენტის დილმა რუსეფის წინააღმდეგ წინასაარჩევნო კამპანიის დროს მომხდარ სავარაუდო დარღვევებზე გამოიძიება დაიწყო. სამართალდამცავი ორგანოები შეისწავლიან კამპანიის დაფინანსების წყაროებს, რათა დაადგინონ, ჰქონდა თუ არა ადგილი უფლებამოსილების გადამეტებას რუსეფისა და ვიცე პრეზიდენტ მიშელ ტემერის მხრიდან, 2014 წლის წინასაარჩევნო კამპანიის დროს.
ბრალის დადგენის შემთხვევაში, საპრეზიდენტო არჩევნების შედეგები შესაძლოა, გაუქმდეს. წინასწარი ვერსიით, დილმა რუსეფმა წინასაარჩევნო კამპანიისთვის ბრაზილიური ნავთობკორპორაცია "პეტრობრასში" განხორციელებული თაღლუთური სქემებით მოპოვებული თანხები გამოიყენა. აღნიშნული კომპანიის დირექტორთა საბჭოს რუსეფი 2003-10 წლებში ხელმძღვანელობდა.
კორუფციულ სქემებში სხვა ბრაზილიელი მაღალჩინოსნებიც არიან გახვეულნი. გამოძიების ინფორმაციით, ისინი კონტრაქტების გაფორმების სანაცვლოდ ქრთამს იღებდნენ.
