თბილისის მუნიციპალიტეტის საკრებულოში საქართველოს ხელოვნების დამსახურებული მოღვაწის, გრაფიკოსისა და მხატვარ -მონუმენტალისტის ემირ ბურჯანაძის ნამუშევრების გამოფენა მოეწყო.
,,თბილისობა 2015“ ფარგლებში გამართულ ღონისძიებას დედაქალაქის საკრებულოს თავმჯდომარე გიორგი ალიბეგაშვილი, დედაქალაქის მერი დავით ნარმანია, წარმომადგენლობითი ორგანოს დეპუტატები და სხვა მოწვეული სტუმრები ესწრებოდნენ. როგორც გიორგი ალიბეგაშვილმა აღნიშნა, დედაქალაქის გერბს, რომელიც სწორედ ემირ ბურჯანაძის მიერაა შექმნილი, დღეს 30 წელი შეუსრულდა და სიმბოლურია, რომ მხატვარ-მონუმენტალისტის ნამუშევრების გამოფენა სწორედ თბილისობის დღესასწაულზე და სწორედ დედაქალაქის საკრებულოში იმართება.
ემირ ბურჯანაძემ თბილისის სიმბოლიკაზე მუშაობა 1970 წლიდან დაიწყო. მასვე ეკუთვნის თბილისის გასაღები; თბილისის საპატიო მოქალაქის მედალი და დიპლომი; ასევე დედაქალაქის დროშა; თბილისის გასაღები; თბილისის სიმბოლო; თბილისის საპატიო მოქალაქის მედალი და სხვადასხვა ქალაქების გერბები.
ემირ ბურჯანაძე ასევე დაკავებული იყო საწიგნო გრაფიკით, რომელშიც წამყვანი ადგილი წიგნის გაფორმებასა და შრიფტს უკავია.
მასვე ეკუთვნის არქიტექტურული კომპოზიციების ორნამენტული და ტექსტობრივი ნაწილობრივ ქანდაკობრივი გაფორმება, საფირმო ნიშნები და ექსლიბრისი. გამოფენა 18 ოქტომბერს დასრულდება.
