ისრაელის პრემიერ-მინისტრი მზადაა პალესტინის ავტონომიის ლიდერს შეხვდეს. ამის შესახებ ბენიამინ ნეთანიაჰუმ საგანგებო პრესკონფერენციაზე განაცხადა. “მე ამ შეხვერისთვის მზად ვარ, რადგანაც ვალდებულნი ვართ პალესტინელთა მხრიდან მომდინარე აგრესია შევაჩეროთ,”-აღნიშნა ისრაელის პრემიერმა. ვითარება აღმოსავლეთ იერუსალიმში მას შემდეგ გამწვავდა, რაც ისრაელის მოქალაქეებზე მასობრივი თავდასხმები დაიწყო. ბოლო 2 კვირის განმავლობაში პალესტინელებმა იერუსალიმში 7 ებრაელი მოკლეს, რამდენიმე კი მძიმედ დაჭრეს.
