ამერიკის ხელისუფლებამ პუტინს უნდა გააგებინოს, რომ რუსეთმა სირიაში ქაოსი არ უნდა შექმნას. ამის შესახებ პრეზიდენტობის დემოკრატი კანდიდატების დებატებზე ყოფილმა სახელმწიფო მდივანმა ჰილარი კლინტონმა განაცხადა. მისივე თქმით, სირიაში არასაფრენი ზონის შექმნა იქნება ის ბერკეტი, რომელიც რუსეთის ხელისუფლებას მოლაპარაკების მაგიდასთან დააბრუნებს. კლინტონმა დებატებზე საკუთარი წინასაარჩევნო პლატფორმაც წარმოადგინა. პრეზიდენტობის კანდიდატის თქმით, პრეზიდენტად არჩევის შემთხვევაში მისი მთავარი ამოცანა საშუალო კლასის გაძლიერება და მინიმალური ხელფასების გაზრდა იქნება.
